Question 1

Darddosh nima?

Accepted Answer

Darddosh — ichingizda yig'ilib qolgan narsalarni yozib tashlash uchun anonim, xavfsiz joy. Bu yerda siz kim ekanligingizni hech kim bilmaydi. Reklama yo'q, pul yo'q — faqat odamlar va ularning haqiqiy his-tuyg'ulari.

Question 2

Bu loyihaning maqsadi nima?

Accepted Answer

Yoshlar o'rtasida ruhiy og'irlikni kamaytirish va insonlarga yordam berish. Ko'pchilik o'z his-tuyg'ularini ichida saqlaydi — atrofdagilar tushunmaydi deb. Darddosh shu to'siqni olib tashlaydi. Hech qanday moddiy naf yo'q — bu to'liq ijtimoiy tashabbusdir.

Question 3

Bu loyihani kim yaratdi?

Accepted Answer

Yoshlar tomonidan yoshlar uchun yaratilgan. Mualliflar ham anonim — shuhrat yoki daromad uchun emas, faqat insonlarga yordam berish uchun.

Question 4

Sayt bepulmi? Reklama bormi?

Accepted Answer

To'liq bepul. Hech qanday reklama, obuna yoki to'lov yo'q va hech qachon bo'lmaydi. Darddosh tijoriy loyiha emas.

Question 5

Darddosh qachon yaratildi va kelajakda qanday rivojlanadi?

Accepted Answer

Darddosh 2024-yilda yoshlar tashabbusi sifatida ishga tushirildi. Kelajakda yangi imkoniyatlar — kayfiyat kuzatish, guruhlarga qo'shilish va boshqalar — qo'shilishi rejalashtirilgan. Hamma narsa foydalanuvchilar ehtiyojiga qarab.

Question 6

Bu saytda kimlar ishlatadi?

Accepted Answer

Talabalar, ishchilar, ota-onalar, yoshlar — qisqasi, his-tuyg'ularini kimga aytishni bilmaydiganlarning hammasi. Darddosh hech kimni ajratmaydi — har qanday yosh, kasb va holat uchun.

Question 7

Platforma mendan qanday ma'lumot so'raydi?

Accepted Answer

Faqat email — va u ham faqat tizimga kirish uchun. Ism, familiya, telefon raqam, manzil — bularning hech biri so'ralmaydi va saqlanmaydi. Platforma ularni bilmaydi, chunki bunday ma'lumotlar umuman kiritilmaydi.

Question 8

Nima uchun email kerak?

Accepted Answer

Faqat bitta maqsad: bitta odamning bir nechta soxta hisob ochib, boshqalarni bezovta qilishini oldini olish. Email boshqa hech narsa uchun ishlatilmaydi — na reklama, na xabar yuborish, na tahlil.

Question 9

Emailimni kim ko'radi?

Accepted Answer

Hech kim. Na boshqa foydalanuvchilar, na moderatorlar. Email hech qayerda ko'rinmaydi. Faqat juda jiddiy qonuniy hollarda — masalan, jinoyat sodir bo'lsa — tegishli organlarga berilishi mumkin. Bu barcha internet-xizmatlarning qonuniy majburiyati.

Question 10

Telefon raqami, ism-familiya so'raladimi?

Accepted Answer

Yo'q, hech qachon. Darddosh faqat email so'raydi — boshqa hech qanday shaxsiy ma'lumot talab qilinmaydi va kiritib bo'lmaydi ham.

Question 11

Nima uchun ro'yxatdan o'tish kerak?

Accepted Answer

O'qish uchun kerak emas — barcha postlarni ochiq ko'rish mumkin. Yozish uchun esa kirish talab qilinadi — bu saytni soxta hisoblar va botlardan himoya qiladi. Kirganingizdan keyin ham siz to'liq anonimsiz.

Question 12

Parol bo'ladimi?

Accepted Answer

Yo'q — Darddoshda parol umuman yo'q. Emailingizga yoki Telegram botga bir martalik kod keladi, shu kod bilan kirasiz. Oddiy, tez, xavfsiz.

Question 13

Kodni kiritish muddati qancha?

Accepted Answer

Kod 10 daqiqa davomida amal qiladi. Agar muddati o'tib ketsa, yangi kod so'rab tashlang — tez va oson.

Question 14

Hisobimni o'chirish mumkinmi?

Accepted Answer

Ha. Profil sahifasida hisobni o'chirish imkoni mavjud. O'chirilgach barcha ma'lumotlaringiz — postlar, izohlar, email — tizimdan butunlay o'chiriladi.

Question 15

Bir emaildan nechta hisob ochlash mumkin?

Accepted Answer

Faqat bitta. Har bir email manzili faqat bitta hisobga bog'liq. Bu spam va suiiste'molni oldini oladi.

Question 16

Postlarim kimga ko'rinadi va qanday ko'rinadi?

Accepted Answer

Barcha foydalanuvchilarga ko'rinadi — lekin faqat siz tanlagan taxallus bilan, masalan 'Bahor42'. Postingizda siz o'z shaxsiy ma'lumotingizni yozmasangiz, hech kim siz kim ekanligingizni bilolmaydi. Platforma buni suramaydi ham, ko'rsatmaydi ham.

Question 17

Meni tanib qolish mumkinmi?

Accepted Answer

Agar siz o'z postingizda ismingizni, telefon raqamingizni yoki boshqa aniqlovchi narsa yozmasangiz — texnik jihatdan umuman imkonsiz. Platformaga faqat emailingiz kiritilgan — lekin u hech qachon, hech qayerda ko'rsatilmaydi.

Question 18

Har safar boshqa taxallus tanlash mumkinmi?

Accepted Answer

Ha. Har bir post uchun yangi taxallus kiritishingiz mumkin. Hech kim qaysi postlar sizniki ekanligini bilmaydi.

Question 19

Anonim bo'lsam ham javobgarman?

Accepted Answer

Ha. Anonim bo'lish qonundan himoya qilmaydi. Agar kimga zarar yetkazadigan, qonunga zid narsa yozilsa — qonuniy talab asosida ma'lumotlar tegishli organlarga berilishi mumkin. Bu barcha internet-platformalarda shunday.

Question 20

IP manzilim saqlanadimi?

Accepted Answer

Ha, texnik xavfsizlik maqsadida IP manzil saqlanadi — bu spam va suiiste'molni aniqlash uchun. Lekin u hech qachon boshqa foydalanuvchilarga ko'rsatilmaydi.

Question 21

Bir xil taxallusdan foydalanish shartmi?

Accepted Answer

Yo'q. Har bir post uchun xohlagan taxallusni tanlaysiz. Bir xil taxallusni doim ishlatsangiz ham, har safar yangi tanlasangiz ham — siz anonimsiz.

Question 22

'Darddosh' nomini taxallus sifatida ishlatish mumkinmi?

Accepted Answer

Yo'q — bu taxallus faqat moderatorlar uchun ajratilgan. Boshqa istalgan taxallusni erkin tanlashingiz mumkin.

Question 23

Postim o'chirilishi mumkinmi?

Accepted Answer

Faqat aniq qoidabuzarlik bo'lsa: zo'ravonlikka undash, boshqani tahqirlash, spam, aldov. Oddiy his-tuyg'ular, dard, g'amginlik, quvonch — bular uchun hech nima bo'lmaydi.

Question 24

Shikoyat qanday qilinadi?

Accepted Answer

Har bir post va izoh yonida 🚩 belgisi bor. Bosing, sababni tanlang — moderatorlar ko'rib chiqadi.

Question 25

Shikoyatdan so'ng nima bo'ladi?

Accepted Answer

Moderatorlar ko'rib chiqadi. Qoidabuzarlik bo'lsa — post yashiriladi yoki o'chiriladi. Bo'lmasa — hech narsa o'zgarmaydi. Jarayon haqida alohida xabar kelmaydi.

Question 26

O'z postimni o'chirsam nima bo'ladi?

Accepted Answer

Darhol ko'rinishdan yo'qoladi. 30 kun o'tgach serverdan ham butunlay o'chiriladi.

Question 27

Izoh yozish mumkinmi?

Accepted Answer

Ha. Har bir postga anonim izoh qoldirishingiz mumkin — siz ham taxallus bilan ko'rinasiz. Izohga izoh ham yozish mumkin.

Question 28

Postga yoki izohga quchoq (yurak) bosish mumkinmi?

Accepted Answer

Ha. Har bir postda va izohda quchoq tugmasi bor. Bosganingizda post muallifiga (agar Telegram ulangan bo'lsa) xabar ketadi.

Question 29

Postni boshqalar bilan ulashish mumkinmi?

Accepted Answer

Ha. Har bir postda 'Ulashish' tugmasi bor — bosganingizda to'g'ridan-to'g'ri havola clipboard'ga nusxalanadi. Shu havolani do'stingizga yuborishingiz mumkin.

Question 30

Post uzunligi chegarasi bormi?

Accepted Answer

Ha, maksimal uzunlik bor — juda uzun matnlar qabul qilinmaydi. Optimal uzunlik: bir necha abzats. Qisqa, lo'nda postlar ko'proq o'qiladi.

Question 31

Postda rasm yoki video yuklash mumkinmi?

Accepted Answer

Hozircha yo'q — Darddosh faqat matn asosida ishlaydi. Bu anonimlikni saqlash va tezkorlikni ta'minlash uchun ataylab shunday qilingan.

Question 32

Izohni o'chirib bo'ladimi?

Accepted Answer

Ha. O'z izohingizni istalgan vaqt o'chirishingiz mumkin. O'chirilgach 30 kun ichida serverdan ham yo'q qilinadi.

Question 33

Moderatorlar kimlar?

Accepted Answer

Darddosh jamoasi a'zolari — ular platforma qoidalarini nazorat qiladilar. Moderatorlar foydalanuvchilar emailini ko'rmaydi; faqat qoidabuzarlik hollarda aralashadi.

Question 34

Moderator mening shaxsiy ma'lumotlarimni ko'radimi?

Accepted Answer

Yo'q. Moderatorlar foydalanuvchilarning emailini yoki shaxsiy ma'lumotlarini ko'rmaydi. Ular faqat post va izohlarni ko'rib chiqadi.

Question 35

Qaysi turdagi kontentlar taqiqlangan?

Accepted Answer

Zo'ravonlikka undash, boshqani tahqirlash, shaxsiy ma'lumot tarqatish (doxxing), spam, aldov, va qonuniy jihatdan taqiqlangan har qanday kontent. His-tuyg'ular, shikoyatlar, xursandchilik — bular uchun hech qanday cheklov yo'q.

Question 36

Birov meni bezovta qilsa nima qilaman?

Accepted Answer

Uning postini yoki izohini 🚩 belgisi orqali shikoyat qiling. Moderatorlar tezda ko'rib chiqadi.

Question 37

Mening shikoyatlarim anonim bo'ladimi?

Accepted Answer

Ha. Shikoyat qilganingizni post muallifi va boshqa foydalanuvchilar bilmaydi. Moderatorlargina shikoyat borligini ko'radi.

Question 38

Agar moderatorlar xato qilib postimni yashirsa?

Accepted Answer

Hozircha apelatsiya mexanizmi yo'q, lekin aniq qoidabuzarlik bo'lmagan postlar yashirilmaydi. Kelajakda murojaat qilish imkoni qo'shilishi mumkin.

Question 39

Telegram bot nima uchun?

Accepted Answer

Ikki narsa uchun: 1) Tizimga kirish kodi yuboradi — emailsiz ham kirish mumkin; 2) Postingizga izoh yoki quchoq kelganda Telegram orqali xabar olasiz. Botni ulash majburiy emas.

Question 40

Botni qanday ulash mumkin?

Accepted Answer

Telegram'da @darddosh_bot ga kiring → /start bosing → emailingizni yuboring. Bot sizni tizimga bog'laydi. Keyin barcha bildirishnomalar Telegramga keladi.

Question 41

Bot mening shaxsiy Telegram ma'lumotlarimni ko'radimi?

Accepted Answer

Faqat Telegram ID raqamingiz — bu texnik bog'lanish uchun. Telegram username, ism yoki telefon raqam saqlanmaydi va boshqalarga ko'rsatilmaydi.

Question 42

Botni uzish mumkinmi?

Accepted Answer

Ha. Profil sahifasida Telegram bot bilan bog'liqlikni uzishingiz mumkin. Uzgach, bildirishnomalar faqat email orqali keladi (agar yoqilgan bo'lsa).

Question 43

Kirish kodini emailga ham, Telegram'ga ham yuborish mumkinmi?

Accepted Answer

Ha. Kirish bosqichida siz email yoki Telegram orqali kod olishni tanlaysiz. Qaysi qulay bo'lsa — o'sha usulni tanlang.

Question 44

Qanday ma'lumotlar saqlanadi?

Accepted Answer

Faqat email (kirish uchun) va IP-manzil (soxta hisoblarni aniqlash uchun). Postlar va izohlar taxallus bilan saqlanadi. Ism, familiya, telefon raqami — bunday ma'lumotlar so'ralmaydi va saqlanmaydi.

Question 45

Ma'lumotlarim qancha vaqt saqlanadi?

Accepted Answer

Postlar siz o'chirguningizcha saqlanadi. O'chirgach 30 kun ichida butunlay yo'q qilinadi. Email va hisob — hisob faol ekan saqlanadi.

Question 46

Darddosh ma'lumotlarni sotadimi?

Accepted Answer

Yo'q, hech qachon. Darddosh tijoriy loyiha emas, daromad maqsadi yo'q. Ma'lumotlarni sotish yoki uchinchi shaxslarga berish to'liq man etilgan.

Question 47

Ma'lumotlarim shifrlangan saqlanadimdimi?

Accepted Answer

Ha. Barcha ma'lumotlar shifrlangan kanallar orqali uzatiladi (HTTPS). Server tomonida ham xavfsiz saqlash qo'llaniladi.

Question 48

Agar Darddosh yopilsa, ma'lumotlarimga nima bo'ladi?

Accepted Answer

Darddosh yopilishidan oldin foydalanuvchilarga oldindan xabar beriladi. Ma'lumotlar server bilan birga o'chiriladi — biror joyga sotilmaydi yoki uzatilmaydi.

Question 49

Qaysi mamlakatlarda ishlaydi?

Accepted Answer

Darddosh internetga ulangan har qanday joydan ishlatilishi mumkin. Server O'zbekistondan tashqarida joylashgan bo'lishi mumkin, lekin xizmat O'zbek tilida va O'zbek foydalanuvchilari uchun yaratilgan.

Question 50

Darddosh psixologik yordam bera oladimi?

Accepted Answer

Darddosh professional psixologik xizmat emas — bu odamlarga his-tuyg'ularini ulashish uchun joy. Agar jiddiy muammo bo'lsa, mutaxassis psixolog yoki ishonch telefoni bilan bog'lanishni tavsiya qilamiz.

Question 51

O'ziga zarar yetkazish haqida yozish mumkinmi?

Accepted Answer

Darddosh ochiq maydon — lekin zo'ravonlik yoki o'ziga zarar yetkazishni rag'batlantiradigan kontent qoidalarga zid. Agar siz yoki birov og'ir ahvolda bo'lsa, darhol ishonch telefoniga murojaat qiling.

Question 52

Darddosh yozish orqali o'zimni yaxshi his qilishimga yordam beradimi?

Accepted Answer

Ko'pchilik uchun — ha. Yozish his-tuyg'ularni tartibga solishga yordam beradi. Boshqalarning izohini o'qib o'zingizni yakka emas deb his qilasiz. Lekin bu professional terapiyaning o'rnini bosa olmaydi.

Question 53

Agar birovning postida xavotirli narsa ko'rsam?

Accepted Answer

🚩 belgisi orqali shikoyat qiling. Moderatorlar ko'rib chiqadi. Agar juda jiddiy deb hissangiz — uni qo'llab-quvvatlovchi izoh yozing.

Ko'p so'raladigan savollar

Darddosh haqida

Email va kirish

Anonimlik

Postlar va izohlar

Moderatsiya va xavfsizlik

Telegram bot

Ma'lumotlar va xavfsizlik

Ruhiy salomatlik